وزیراعظم عمران خان کی سربراہی میں ملک ترقی کی راہ پر گامز ن ہے: اسد قیصر
صوابی(آن لائن) اسپیکر قومی اسمبلی اسد قیصر نے کہاہے کہ وزیر اعظم عمران خان کی سربراہی میں ملک ترقی کی راہ پر گامزن ہے،معاشی ٹیم کی انتھک محنت کی بدولت کورونا وباء کے باوجود ملکی معیشت بہتر ہوئی ہے،مستحکم اور پر امن افغانستان پاکستان کے بہترین مفاد میں ہے۔اتوار کے روز سپیکر قومی اسمبلی اسد قیصر نے بٹاکرہ صوابی میں تقریب سے خطاب کرتے ہوئے کہا کہ وزیر اعظم عمران خان کی سربراہی میں ملک ترقی کی راہ پر گامزن ہے وزیر اعظم عمران خان کی معاشی ٹیم کی انتھک محنت کی بدولت کورونا وباء کے باوجود ملکی معیشت بہتر ہوئی ہے کورونا وباء کے دوران احساس پروگرام سے کروڑوں لوگوں کو ریلیف ملا، وفاقی بجٹ کی منظوری اتحادیوں کی جانب سے حکومت پر اعتماد کا اظہار ہے۔انہوں نے کہا کہ خیبر پختونخوا میں یونیورسل صحت انشورنس کا آغاز کر دیا گیا ہے،خیبر پختونخوا کا ہر شہری 10 لاکھ تک مفت علاج کروا سکتا ہے خیبر پختونخوا میں سیاحت کے فروع پر خصوصی توجہ دی جا رہی ہے۔صوابی میں اربوں روپے کے ترقیاتی منصوبوں پر کام جاری ہے صوابی کے گھر گھر کو گیس فراہم کی جائے گی۔
اسد قیصر
