چیمپئنز ٹرافی کیلئے جو ٹیم تشکیل دی وہ غلط تھی: احمد شہزاد

پشاور (ڈیلی پاکستان آن لائن )ٹیسٹ کرکٹر احمد شہزاد نے کہا ہے کہ چیمپئنز ٹرافی کے لئے پاکستان کرکٹ بورڈ نے جو ٹیم تشکیل دی وہ غلط تھی۔
روز نامہ جنگ کے مطابق پشاور میں میڈیا سے بات کرتے ہوئے احمد شہزاد نے کہا کہ ٹیم میں تبدیلی لانی چاہئے تھی، لوگ چار چار سپنرز کے ساتھ آئے تھے اور ہمارا ایک سپنر تھا۔
احمد شہزاد نے کہا کہ غلط سلیکشن کی وجہ سے ٹیم اگلے راونڈ میں کوالیفائی ہی نہیں کر پائی، یہ وہی کھلاڑی ہیں جو سات آٹھ دفعہ سے ناکام ہوتے آ رہے ہیں۔
انہوں نے کہا کہ یہی ٹیم اب دورہ نیوزی لینڈ پر گئی ہے، سات آٹھ سال سے یہی کھلاڑی کھیل رہے ہیں۔