نیسپاک کے عمان میں کامیابی کے 40 سال مکمل،خصوصی تقریب کا انعقاد

  نیسپاک کے عمان میں کامیابی کے 40 سال مکمل،خصوصی تقریب کا انعقاد

  



لاہور(پ ر) نیسپاک کا عمان میں 40 سالہ کامیاب سفر مکمل ہونے پر نیسپاک ریجنل آفس عمان میں ایک خصوصی تقریب کا انعقاد کیا گیا جس میں ایم ڈی نیسپاک ڈاکٹر طاہر مسعود نے بطور مہمان خصوصی شرکت کی۔ 1979 میں اپنے قیام سے لے کر اب تک نیسپاک نے عمان میں زرائع مواصلات کی ترقی میں 60 سے 70 فیصد تک حصہ ڈالا ہے اور پاکستان کے لئے کثیر زرمبادلہ حاصل کیا ہے۔ عمان میں نیسپاک نے اب تک 191 منصوبوں پر کام کیا ہے جن کی لاگت 9 بلین امریکی ڈالر ہے۔اہم منصوبوں میں خصب کوسٹل روڈ، باتینہ کوسٹل روڈ، مسقط سے خاتمات ملیہ روڈ (دبئی بارڈر)، سوہر باریم روڈ، زروب برائمی روڈ، سوہر انٹر چینج، سہر۔ یانکا روڈ شامل ہیں۔ رستاق - مسکین روڈ، ملیدہ - ہزیم روڈ، نزوا تھومریٹ روڈ، تھومرائٹ سلالہ روڈ، ڈائکہ ڈیم، دربط ڈیم، غلاجی ڈیم، نکھل واٹر سپلائی منصوبے، مسنہ سیوریج پروجیکٹ وغیرہ شامل ہیں۔ تقریب میں عمان میں پاکستانی تاجر برادری کو بھی مدعو کیا گیا۔ اس موقع پر نیسپاک کے منیجنگ ڈائریکٹر ڈاکٹر طاہر مسعود نے غیر معمولی کارکردگی کا مظاہرہ کرنے والے نیسپاک کے اہلکاروں کو تعریفی اسناددیں۔ معروف صحافی رؤف کلاسرا نے عمان کے ریجنل منیجر خادم حسین جھکر کی دعوت پر تقریب میں شرکت کی۔ عمان میں نیسپاک کے بانی /سابق نائب صدر ظہور احمد منہاس نے بھی اس تقریب میں شرکت کی۔عمان میں اپنے قیام کے دوران، آر ایم عمان کے ہمراہ منیجنگ ڈائریکٹر نیسپاک نے عمان کی وزارتوں اور دیگر محکموں کے ساتھ متعدد میٹنگوں میں بھی شرکت کی۔ انہوں نے مسقط بلدیہ کے اعلی عہدیداروں، رائل کورٹ دیوان، عمان، وزارت علاقائی بلدیہ اور آبی وسائل (ایم آر ایم ڈبلیو آر)، چیف ایگزیکٹو آفیسر - خصوصی اقتصادی زون اتھارٹی دقم (ایس ای زیڈ) اور پروجیکٹ منیجر پبلک اتھارٹی کے ساتھ میٹنگوں میں شرکت کی۔ اور عمان میں پاکستان کے سفارت خانے کا بھی دورہ بھی کیا۔ان ملاقاتوں کے دوران، ایم ڈی نیسپاک نے کمپنی کی انجینئرنگ کنسلٹنسی میں خدمات اور عمان میں اس کی کامیابیوں کے بارے میں پریزنٹیشنز دیں اور، نیسپاک کی خدمات کو اجاگر کیا جو پاکستان میں شاہراہوں، موٹر ویز، پلوں، میٹرو بس سسٹم، اورنج لائن میٹرو ٹرین سسٹم، ڈیموں، پبلک ہیلتھ انجینئرنگ، پن بجلی منصوبوں، چائنا پاکستان اکنامک کوریڈور (سی پی ای سی) منصوبوں (موٹرویز)، (پاور پلانٹس وغیرہ) کے حوالے سے فراہم کی جارہی ہیں۔ نیسپاک ایم ڈی نے بتایا کہ انہوں نے دیگر ممالک جیسے سعودی عرب، قطر، نائیجیریا، افغانستان وغیرہ میں بھی دفاتر قائم کیے ہیں اورمشاورتی انجینیرنگ کی خدمات فراہم کررہے ہیں۔

نیسپاک

مزید : علاقائی


loading...