رابعہ کلثوم کی فلم ”گواہ رہنا“سے بڑی سکرین پر کام کی تیاریاں

لاہور(فلم رپورٹر)چھوٹی سکرین پر اپنی صلاحیتوں کا لوہا منوانے کے بعد باصلاحیت نوجوان اداکارہ رابطہ کلثوم کی بڑی سکرین پر قبضے کی تیاریاں، رابعہ کلثوم نے فلم ”گواہ رہنا“سے بڑی سکرین پر کام کی تیاریاں شروع کردیں۔ فلم ”گواہ رہنا“ 1920کے پس منظر خلافت تحریک کی کہا نی ہے، جس کی قیادت پاکستان کے وجود میں آنے سے قبل مسلمانوں کے ہاتھوں میں تھی۔ فلم کی کاسٹ میں لیجنڈ اداکار قوی خان اور رابعہ کلثوم ایک انتہائی مختلف انداز سے ہندوں کے کردارمیں جلوہ گر ہوں گی۔ رابعہ کلثوم کا کہنا تھا کہ ایسا کبھی سوچا بھی نہیں تھا کہ بڑے پردے پر کام کرنے کا موقع ملے گا۔
، ان کا کہنا تھا کہ ہندو لڑکی کا کردار کرنا زندگی کا پہلا تجربہ تھا اور اب میں منتظر ہوں کہ ہر کسی کو چاہیے کہ وہ اس فلم کو ضرور دیکھے۔ گوجرانوالہ میں فلمائی گئی اس فلم کی کہانی اور ہدایات
طاہر محمودنے دیں ہیں، فلم کی تمام تر تیاریاں مکمل کی جاچکی ہیں، فلم رواں سال پاکستان اور ترکی میں ریلیز کی جائے گی۔