وزیراعظم کی ازبکستان کیساتھ کئے گئے فیصلوں پر فوری عملدرآمد یقینی بنانے کی ہدایت
اسلام آباد (مانیٹرنگ ڈیسک) وزیراعظم شہباز شریف نے ازبکستان کیساتھ کئے گئے فیصلوں پر فوری عملدرآمد یقینی بنانے کی ہدایت کر دی۔وزیراعظم شہباز شریف سے ازبکستان کے سفیر علیشیر تختائیف نے وزیراعظم ہاؤس میں ملاقات کی۔ملاقات میں وزیر اعظم شہباز شریف نے ازبک سفیر کے ذریعے ازبک صدر شوکت مرزیوئیف کیلئے نیک خواہشات کا اظہار کیا اور گزشتہ ماہ تاشقند کے دورے کے دوران ان کے اور پاکستانی وفد کی مہمان نوازی کیلئے تہہ دل سے شکریہ ادا کیا۔وزیراعظم نے دورے کے دوران دونوں ممالک کے ما بین دوطرفہ تعلقات پر ہونیوالی شاندار پیشرفت پر اطمینان کا اظہار کیا، جس میں اعلیٰ سطح سٹریٹجک تعاون کونسل کی تشکیل کیساتھ ساتھ مختلف شعبوں میں متعدد اہم معاہدوں اور مفا ہمتی یادداشتوں پر دستخط بھی شامل ہیں۔شہباز شریف نے کہا تاشقند سے واپسی پر متعلقہ شعبوں کے وزراء کو ذمہ داری سونپی ہے وہ دورے کے دوران ہوئے فیصلوں پر فوری عملد ر آمد کو یقینی بنائیں۔وزیراعظم نے دوطرفہ تجارت کو 2 بلین ڈالر تک بڑھانے کیلئے کام کرنے کیلئے ایک روڈ میپ وضع کرنے کی ضرورت پر بھی زور دیا، جس پر دورے کے دوران د و نوں رہنماؤں کے مابین اتفاق کیا گیا تھا۔اس موقع پر ازبک سفیر نے وزیر اعظم کی نیک خواہشات پر شکریہ ادا کیا اور کہا صدر شوکت مرزیوئیف پاکستان کیساتھ تعلقات کو مضبوط بنا نے اور دونوں ممالک کے درمیان بہترین سیاسی تعلقات کو باہمی طور پر مفید اقتصادی تعلقات میں تبدیل کرنے کیلئے پرعزم ہیں۔ازبک سفیر کا کہنا تھا صدر مرزیوئیف نے رواں بر س کے آخر میں پاکستان کا سرکاری دورہ کرنے کی وزیر اعظم کی دعوت قبول کر لی ہے۔
وزیراعظم ہدایت
