رسول اکرمؐ کا ادب اور احترام ایمان کا لازمی جز وہے،سردار یوسف
لاہور (ڈویلپمنٹ سیل)یوم تحفظ ناموس رسالت ؐکی مناسبت سے وفاقی وزیر مذہبی امور سردار محمد یوسف نے کہاہے کہحضور خاتم النبّیین حضرت محمد ؐ نہ صرف مسلمانوں کے لئے مقدس ترین شخصیت ہیں بلکہ دیگر مذاہب سے تعلق رکھنے والے افراد بھی انہیں ایک عظیم شخصیت کے طور پر دیکھتے اور جانتے ہیں۔ رسول اکرمؐ کا ادب اور احترام کرنا ایمان کا لازمی جز وہے۔ خاتم النبیّین حضرت محمدؐؐ کی شان میں کسی بھی صورت میں گستاخی یا بے حرمتی نہ صرف اسلام بلکہ ”تعزیراتِ پاکستان سیکشن 295۔سی“ کے تحت سنگین ترین جرم ہے جس کی سزا صرف اور صرف سزائے موت ہو سکتی ہے۔ وزارت مذہبی امور و بین المذاہب ہم آہنگی نے معاشرے میں ناموس رسالتؐ کی اہمیت کو اُجاگر کرنے اور سوشل میڈیا پر موجود متنازعہ توہین آمیز موادکی روک تھام کے لئے 15 مارچ بروز ہفتہ کو ”یوم تحفظ ِ ناموسِ رسالت ؐ“منانے کا فیصلہ کیا ہے۔ اس ضمن میں تمام صوبوں بشمول گلگت بلتستان اور آزاد جموں کشمیر کو ہدایات جاری کی گئی ہیں کہ وہ عوامی آگہی کاآغاز کریں۔
میری ملک بھر کے علماء و خطباء حضرات سے گذارش ہے کہ جمعہ کے خطبات میں تحفظ ناموس رسالت ؐکی اہمیت سے متعلق آگہی دی جائے۔
