ٹرمپ کے وزن میں 30 پاؤنڈ کی حیرت انگیز کمی آئی ہے،سیکرٹری صحت کا انکشاف
واشنگٹن (آئی این پی)امریکی صدر ڈونلڈ ٹرمپ کے سیکریٹری برائے صحت رابرٹ ایف کینیڈی جونیئر نے ایک حیران کن انکشاف کیا ہے کہ ٹرمپ نے حالیہ دنوں میں تقریبا 30 پاؤنڈ ( 13 کلو) وزن کم کر لیا ہے، حالانکہ ان کی جنک فوڈ کی محبت اب بھی برقرار ہے۔
فاکس نیوز سے گفتگو کے دوران، کینیڈی نے کہا، میں نے کل ہی انہیں دیکھا، اور میرا خیال ہے کہ انہوں نے 30 پاؤنڈ وزن کم کیا ہے۔ہینیٹی نے اس بات پر حیرانی ظاہر کرنے کے بجائے اتفاق کرتے ہوئے کہا، وہ واقعی بہت اچھے لگ رہے ہیں۔ اور انہوں نے مجھے بتایا کہ اب اگر وہ برگر کھاتے بھی ہیں تو بغیر بن کے کھاتے ہیں۔کینیڈی نے جواب میں کہا، اوہ، مجھے نہیں معلوم تھا کہ وہ اپنی خوراک میں واقعی تبدیلی لا رہے ہیں۔ ڈونلڈ ٹرمپ نے خود اپنی خوراک کے بارے میں کم ہی بات کی ہے، لیکن جب وہ اگست 2023 میں جارجیا کے فلٹن کانٹی جیل میں اپنی مگ شاٹ کے لیے پیش ہوئے، تو ان کا وزن 215 پاؤنڈ درج کیا گیا تھا۔
جنوری 2024 میں ایک اور انٹرویو میں انہوں نے انکشاف کیا تھا کہ وہ کام کے ذریعے 20 پاؤنڈ کم کر چکے ہیں۔انہوں نے کہا تھا، میں اتنا مصروف رہا ہوں کہ زیادہ کھانے کا وقت نہیں ملتا، میں عام لوگوں کی طرح بیٹھ کر کھانے نہیں کھا سکتا۔ کینیڈی نے ٹرمپ کی مشہور جنک فوڈ عادات پر بھی تبصرہ کیا، جس میں کے ایف سی، پیزا، ڈائیٹ کوک، اور میکڈونلڈز شامل ہیں۔یہ وہی ٹرمپ ہیں جنہوں نے وائٹ ہائوس میں کلیمسن ٹائیگرز فٹبال ٹیم کے لیے فاسٹ فوڈ کا شاہی ضیافت سجایا تھا اور پنسلوانیا میں میکڈونلڈز کے ایک آئوٹ لیٹ پر خود فرائیر پر کام کرتے اور ڈرائیو تھرو میں آرڈرز لیتے دیکھے گئے تھے۔رابرٹ ایف کینیڈی جونیئر نے مذاق کرتے ہوئے کہا، اگر آپ کو میکڈونلڈز پسند نہیں، تو آپ کو ٹرمپ کے جہاز میں سوار نہیں ہونا چاہیے!یہ بات اس وقت مزید دلچسپ ہو گئی جب انہوں نے اس مشہور تصویر کا حوالہ دیا، جس میں ٹرمپ، ایلون مسک، ٹرمپ جونیئر اور امریکی اسپیکر مائیک جانسن ایک جہاز میں بیگ میکس اور چکن نگٹس کے ساتھ نظر آ رہے تھے۔
یہ تصویر شاید ٹرمپ کی جانب سے رابرٹ ایف کینیڈی جونیئر کے خلاف ایک ہلکا سا انتقامی وار تھی، کیونکہ کینیڈی نے کچھ دن پہلے ہی ایک پوڈکاسٹ میں ٹرمپ کی خوراک کو زہر قرار دیا تھا۔کینیڈی نے کہا تھا، وہ جو کچھ کھاتے ہیں، وہ بہت نقصان دہ ہوتا ہے، یہ انتخابی مہم کی خوراک بھی نہیں، بلکہ ایک خطرناک غذا ہے کینیڈی سے سوال کیا گیا کہ کیا وہ اپنے Make America Healthy Again ایجنڈے کے تحت چینی والے مشروبات پر پابندی لگائیں گے؟کینیڈی نے جواب دیا، میں انہیں لوگوں سے نہیں چھینوں گا، لیکن حکومت کو ان کی سبسڈی نہیں دینی چاہیے۔تاہم، ان کے ایک اور متنازعہ بیان نے بحث چھیڑ دی جب انہوں نے خسرہ ویکسین کے نقصانات پر سوال اٹھاتے ہوئے کہا، یہ ویکسین ہر سال کچھ اموات کا سبب بنتی ہے اور انہی بیماریوں کو جنم دیتی ہے، جن سے خسرہ خود متاثر کرتا ہے۔
یہ واضح نہیں کہ ٹرمپ کا وزن واقعی ان کی خوراک میں تبدیلی کے باعث کم ہوا ہے یا محض ان کی مصروفیت کا نتیجہ ہے۔ لیکن ایک چیز طے ہیفاسٹ فوڈ کی محبت اور وزن میں کمی کا یہ امتزاج ہر کسی کو حیران کر رہا ہے!
