سسرالیوں کے ہاتھوں جھلسنے والی خاتون ہسپتال میں دم توڑ گئی 

لاہور(کر ائم رپو رٹر)مصطفی ٹاؤن میں سسرالیوں کے ہاتھوں جھلسنے والی خاتون ہسپتال میں دم توڑ گئی مہوش نامی خاتون کو اسکے شوہر دیور اور دیورانی نے پٹرول چھڑک کر آگ لگائی تھی۔ خاتون نے واقعہ کا مقدمہ اپنی مدعیت میں تھانہ مصطفی ٹاؤن میں درج کروایا تھا تفصیلات کے مطابق مصطفی ٹاؤن کے علاقے میں سسرالیوں کے ہاتھوں جھلسنے والی خاتون مہوش 5روز بعد ہسپتال میں دوران علاج دم توڑ گئی پولیس کو کہنا ہے کہ مہوش نے پولیس کو بتایا تھا کہ اسکے خاوند شاہد، دیور سہیل اور سہیل کی بیوی سمرین نے اسے تیل چھڑک کر جلایا جن کے خلاف مقدمہ درج کیا گیا تھا اس مقدمہ میں دفعہ 302 شامل کرکے فرار ملزمان کی گرفتاری کیلئے چھاپے مارے جا رہے ہیں۔