کراچی کے فلیٹ سے 17 سالہ لڑکی کی لاش برآمد، تحقیقات میں حیران کن انکشاف

کراچی (ویب ڈیسک) کراچی میں لڑکی نے مبینہ طور پر منگیتر سے جھگڑے پر خود کشی کرلی، واقعہ لائٹ ہاؤس کے قریب پیش آیا جبکہ شہر میں 2 مختلف ٹریفک حادثات میں 2 افراد جاں بحق اور ایک زخمی ہوگیا۔

پولیس حکام کے مطابق کراچی میں منگیتر سے مبینہ طور پر جھگڑا ہونے پر لڑکی نے موت کو لگے لگا لیا، لائٹ ہاؤس افتخار مینشن کے قریب فلیٹ سے لڑکی کی گلے میں پھندا لگی لاش ملی ہے، متوفیہ 17 سالہ ثمر میڈیکل کی طالبہ تھی، جس نے مبینہ طور پر منگیتر سے جھگڑے کے بعد خودکشی کرلی۔

پولیس کا کہنا ہے کہ لاش کو قانونی کارروائی کے لیے سول اسپتال منتقل کردیا جبکہ مزید تفتیش جاری ہے۔

دوسری جانب سپر ہائی وے ڈی ایچ اے سٹی کے قریب نامعلوم گاڑی کی ٹکر سے موٹر سوار ایک شخص جاں بحق اور ایک شخص زخمی ہوگیا۔

ادھر کورنگی کوسٹ گارڈ چورنگی کے قریب بھی ٹریفک حادثہ پیش آیا، جہاں نامعلوم گاڑی کی ٹکر سے 17 سالہ شہزاد جاں بحق ہوگیا۔