یااللہ خیر! مظفر آباد میں 7منٹ میں 2بار زلزلے کے جھٹکے
مظفر آباد(ڈیلی پاکستان آن لائن) مظفرآباد شہر اور گردونواح میں 7 منٹ میں 2 زلزلوں کے جھٹکوں سے زمین لرز اٹھی، لوگ کلمہ طیبہ کا ورد کرتے ہوئے گھروں سے باہر نکل آئے۔
ہٹیاں بالا، آزاد کشمیر، ہٹیاں بالا، چناری اور چکوٹھی سمیت جہلم ویلی بھر میں بھی زلزلے کا شدید جھٹکا محسوس کیا گیا، زلزلے کی شدت ریکٹر سکیل پر 4.6 ریکارڈ کی گئی۔ہٹیاں بالا میں زلزلے کے باعث سوئے ہوئے لوگ جاگ گئے، اور خوف زدہ ہو کر گھروں سے کلمہ طیبہ کا ورد کرتے ہوئے باہر نکل گئے۔
مظفرآباد میں زلزلے کا پہلا جھٹکا 6 بج کر 16 منٹ پر اور دوسرا جھٹکا 6 بج کر 23 منٹ پر محسوس کیا گیا۔زلزلے کے باعث مظفرآباد میں کچھ دیر کیلئے انٹرنیٹ سروس بھی معطل رہی۔وادی لیپہ، وادی جہلم، باغ، پونچھ اور حویلی کی اضلاع میں بھی زلزلہ کے جھٹکے محسوس کئے گیے۔
زلزلہ کشمیر میں سوپور کے قریب گیارہ کلومیٹر گہرائی میں آیا۔
