آزاد کشمیر میں تیندوے کے حملے میں 2 بھائی جاں بحق
نیلم (ڈیلی پاکستان آن لائن ) آزاد کشمیر میں تیندوے کے حملے میں 2 بھائی جاں بحق ہو گئے ۔
نجی ٹی وی " جی این این " کے مطابق ڈسٹرکٹ ڈیزاسٹر مینجمنٹ اتھارٹی کے مطابق واقعہ پالڑی شاہ کوٹ میں پیش آیا جہاں 2 سگے بھائی قریبی جنگل میں جلانے کیلئے لکڑیاں چن رہے تھے کہ اس دوران ایک تیندوا بھی وہاں آگیا اور مبینہ طور پر تیندوے نے حملہ کر کے دونوں بھائیوں کو مار دیا۔
نجی ٹی وی کے مطابق تیندوے کے حملے میں ہلاک ہونے والوں میں منیر اور امجد شامل ہیں ، دونوں بھائیوں کی عمریں 16 اور 20 سال تھیں ، لاشوں کو ضلعی ہیڈ کوارٹر ہسپتال منتقل کر دیا گیا اور حقائق پوسٹمارٹم رپورٹ کے بعد واضح ہونگے ۔
