وزیراعظم کو ترک صدر کا فون سانحہ چارسدہ پر اظہار افسوس

وزیراعظم کو ترک صدر کا فون سانحہ چارسدہ پر اظہار افسوس

اسلام آباد (مانیٹرنگ ڈیسک)وزیراعظم نواز شریف کو ترک صدر طیب اردوان نے فون کر کے سانحہ چارسدہ پر افسوس کا اظہار کیا۔ ترجمان وزیراعظم ہاؤس کے مطابق وزیراعظم نواز شریف کو ترک صدر طیب اردوان نے فون کر کے سانحہ چار سدہ پر دکھ اور افسوس کا اظہار کرتے ہوئے مشترکہ دشمن کے خلاف جنگ جاری رکھنے کے عزم کا اعادہ کیا۔ اس موقع پر وزیراعظم نواز شریف نے کہا دہشتگردی کے خاتمے کے لئے مشترکہ کوششیں کرنا ہوں گی۔ ترک صدر نے سعوی عرب، ایران کے درمیان کشیدگی کم کرانے پر وزیر اعظم نواز شریف کی کوششوں کو سراہا۔ ترک صدر نے کہا سعودی عرب ایران تنازع حل ہونا مسلم اْمہ کے مفاد میں ہے۔ کشیدگی کے خاتمے کی کوششوں میں پاکستان کے ساتھ ہے۔

مزید : صفحہ اول