7 ماہ قبل لاہورسے اغوا ءہونے والا 16 سالہ لڑکا کہاں سے بازیاب ہو گیا؟ حیران کن انکشاف
لاہور (ویب ڈیسک) لاہور سے 7 ماہ قبل اغواء ہونے والے 16 سالہ لڑکے کو خیبرایجنسی سے بازیاب کروا لیا گیا۔
نجی ٹی وی "ایکسپریس نیوز" کے مطابق ایس پی انویسٹی گیشن اقبال ٹاؤن سدرہ خان کی سربراہی میں ڈی ایس پی انویسٹی گیشن مسلم ٹاؤن مقصود گجر نے پولیس ٹیم کے ساتھ کارروائی کرتے ہوئے 16 سالہ عبداللہ کو باڑہ خیبرایجنسی سے بازیاب کروا لیا۔ملزمان عبداللہ کو ورغلاء پھسلا کر اغواء کر کے باڑہ خیبر ایجنسی لے گے تھے۔
ملزمان نے عبداللہ کو منشیات کے عوض تحصیل باڑہ ضلع خیبرایجنسی میں گروی رکھوا دیا تھا۔ عبداللہ کو جدید ٹیکنالوجی سمیت ہیومن انٹیلی جنس کی مدد سے بازیاب کروایا گیا۔ڈی آئی جی انویسٹی گیشن سید ذیشان رضا کی طرف سے پولیس ٹیم کو تعریفی اسناد دینے کا اعلان کیا گیا۔
