جماعت اسلامی کی کراچی میں امریکی قونصلیٹ کے قریب احتجاجی ریلی،کارکنوں اور پولیس میں تلخ کلامی
کراچی ( ڈیلی پاکستان آن لائن ) جماعت اسلامی نے غزہ میں اسرائیلی جارحیت اور جنگ بندی معاہدے کی خلاف پر احتجاجی ریلی نکالی ۔
تفصیلات کے مطابق جماعت اسلامی کی جانب سے غزہ میں اسرائیلی جارحیت اور جنگ بندی معاہدے کی خلاف کراچی میں امریکی قونصلیٹ کے قریب احتجاجی ریلی نکالی گئی۔ پولیس نے مارچ کے شرکاء کو امریکی قونصلیٹ جانے سے روک دیا، اس موقع پر کارکنوں اور پولیس کے درمیان تلخ کلامی بھی ہوئی، کارکنوں کی جانب سے زبردست نعرے لگائے گئے۔
"جنگ " کے مطابق مظاہرین نے بوٹ بیسن پر استقبالیہ کیمپ لگایا جہاں سے شرکاء نے بینرز اور پلے کارڈز، مخصوص فلسطینی رومال اور فلسطینی پرچم حاصل کیے۔مظاہرین کا مطالبہ تھا کہ غزہ میں قتلِ عام بند کیا جائے، بین الاقوامی برادری غزہ میں اسرائیلی دہشتگردی کے خلاف آواز بلند کرے۔
پولیس نے امریکی قونصلیٹ کی طرف جانے والے ریلی کے شرکا ءکو مائی کولاچی پر روک دیا جس پر مظاہرین اور پولیس میں تلخ کلامی بھی ہوئی۔
