عید الفطر سے پہلے سرکاری ملازمین کے لیے خوشخبری ، تنخواہیں جاری

  لاہور(آئی این پی ) عید الفطر سے پہلے سرکاری ملازمین کے لیے خوشخبری،اے جی پنجاب نے سٹیٹ بینک آف پاکستان کے اشتراک سے سرکاری ملازمین کی تنخواہیں جاری کردیں۔

سرکاری ملازمین کو تنخواہیں ایم پی جی کے ذریعے جاری کی گئیں،اکائونٹینٹ جنرل پنجاب کا کہنا ہے کہ جدید ڈیجیٹل نظام بغیر کسی تاخیر کے تنخواہ ملازمین کے اکائونٹس میں منتقل کرتا ہے،نئے ڈیجیٹل نظام سے شفافیت اور رفتار کو بھی یقینی بنایا گیا ہے۔

یاد رہے وفاقی حکومت نے بھی سرکاری ملازمین کی تنخواہیں اور پنشن عید سے قبل ادا کرنے کا فیصلہ کیا ہے، وزارت خزانہ نے تنخواہوں اور پنشن کی ادائیگی سے متعلق کنٹرولر جنرل اکائونٹس کو بھی مراسلہ جاری کر دیا ہے،نوٹیفکیشن کے مطابق سرکاری ملازمین کو 27 مارچ کو تنخواہیں ادا کی جائیں گی۔