کوئٹہ سے اندرونِ ملک کیلئے ٹرین سروس آج 11 ویں روز بھی معطل
کوئٹہ( ڈیلی پاکستان آن لائن ) کوئٹہ سے اندرون ملک ٹرین سروس گزشتہ 11 روز سے تاحال معطل ہے۔
نجی ٹی وی دنیا نیوز نے ریلوے حکام کے حوالے سے بتایا کہ ضلع کچھی میں 11 مارچ کو جعفر ایکسپریس پر حملے کے بعد سے ٹرین سروس معطل ہے، ٹرین سروس کی معطلی سے اندرون ملک جانے والے مسافروں کو مشکلات کا سامنا ہے۔
ٹرین سروس کی ممکنہ بحالی کے حوالے سے ریلوے حکام نے بتایا ہے کہ اندرون ملک کے لئے ٹرین سروس سکیورٹی کلیئرنس کے بعد ہی بحال کی جائے گی۔
