دو گروپوں میں آمنے سامنے فائرنگ، متعدد افراد لہو میں نہا گئے، 4 جاں بحق
لکی مروت (ڈیلی پاکستان آن لائن) لکی مروت میں دو گروپوں کے مابین آمنے سامنے ہونیوالی فائرنگ کے نتیجے میں 4 افراد دم توڑ گئے، متعدد زخمی بھی ہوئے ہیں۔
نجی ٹی وی ایکسپریس نیوز کے مطابق مسلح تصادم گنڈیوا کے علاقے میں ہوا جہاں دیرینہ دشمنی پر دونوں جانب سے بندوقیں نکل آئیں، ایک فریق نے فائرنگ شروع کی تو پھر دونوں جانب سے گولیاں چلنے لگیں۔
اسی اثنا میں متعدد افراد گولیوں کی زد میں آ کر شدید زخمی ہو گئے جن میں سے 4 ہسپتال منتقلی سے قبل ہی خالق حقیقی سے جا ملے۔
