راولاکوٹ میں وین کھائی میں گرنے سے 4 مسافر جاں بحق، 3 زخمی
راولا کوٹ ( ڈیلی پاکستان آن لائن ) آزاد پتن کے قریب وین بے قابو ہو کر کھائی میں گر گئی، حادثے میں 4 مسافر جاں بحق، 3 زخمی ہو گئے۔
نجی ٹی وی دنیا نیوز کے مطابق جاں بحق ہونے والے مسافروں میں 2 مرد اور 2 خواتین شامل ہیں، وین علاقہ تراڑکھل سے راولپنڈی جا رہی تھی کہ حادثہ ہو گیا۔
حادثے میں جاں بحق افراد کی لاشوں اور زخمیوں کو ڈی ایچ کیو ہسپتال پلندری منتقل کر دیا گیا۔
