بلاول بھٹو زرداری کل 2 روزہ دورے پر لاہور پہنچیں گے
لاہور ( ڈیلی پاکستان آن لائن ) چیئرمین پاکستان پیپلزپارٹی بلاول بھٹو زرداری پیر(کل ) کو 2 روزہ دورے پر لاہور پہنچیں گے۔
نجی ٹی وی "دنیا نیوز" کے مطابق بلاول بھٹو پیر کو گورنر ہاؤس میں جیالوں کے ساتھ افطاری کریں گے، پیپلزپارٹی پنجاب کے عہدیدار، اراکین پارلیمنٹ، ٹکٹ ہولڈرز، اراکین سی ای سی اور فیڈرل کونسل بلاول بھٹو سے ملاقات کریں گے۔
چیئرمین بلاول بھٹو سے پیپلزپارٹی کے سینئر رہنما بھی ملاقاتیں کریں گے، مسلم لیگ( ن) سے پاور شیئرنگ کے لیے بنائی گئی پیپلزپارٹی کی رابطہ کمیٹی (ن) لیگی کمیٹی سے ہونے والی میٹنگ کی بلاول بھٹو کو بریفنگ بھی دے گی۔
