لکی مروت میں سیکیورٹی فورسز کا آپریشن، 3 دہشتگرد ہلاک
لکی مروت (ڈیلی پاکستان آن لائن) لکی مروت کے نواحی علاقے خیل تھل کے پہاڑوں میں سیکیورٹی فورسز اور دہشتگردوں کے درمیان مقابلے میں 3 دہشتگرد مارے گئے۔
ڈان نیوز کے مطابق خفیہ اطلاع پر کاؤنٹر ٹیرر ازم ڈیپارٹمنٹ اور مقامی پولیس نے مشترکہ آپریشن کیا ، آپریشن کے دوران 2 خود کش حملہ آوروں نے خود کو بارود سے اڑا لیا جبکہ ایک دہشتگرد فورسز کی فائرنگ کا نشانہ بن گیا ۔
فائرنگ کے تبادلے کے دوران سی ٹی ڈی کے دو اہلکار زخمی بھی ہوئے، جنھیں طبی امداد کے لیے قریبی ہسپتال منتقل کردیا گیا ہے ۔
