ستاروں کی روشنی میں آپ کا آج (جمعرات) کا دن کیسا رہے گا ؟

برج حمل ، سیارہ مریخ، 21 مارچ سے 20 اپریل 
 آپ کے لئے اب حالات مختلف ہیں۔ لاکھ مشکلات تنگ کر رہی ہوں۔ ان شاءاللہ اس میں سے نکلنے میں کامیاب ہوں گے۔ جو لوگ بندش میں تھے وہ اب آزاد ہوں گے۔

 برج ثور، سیارہ زہرہ، 21 اپریل سے 20 مئی 
 آپ آج کل اپنے غصے پر قابو رکھیں۔ یہ آپ کے لئے بڑی مشکل نہ کھڑی کر ادے۔ ان دنوں آپ کو اپنوں اور غیر دونوں طرف سے مخالفت کا سامنا ہے۔ محتاط ہو کر چلنا ہوگا۔

 برج جوزہ، سیارہ عطارد، 21 مئی سے 20 جون
 آپ کسی بھی ایسے کام کو مت کریں جس میں آپ کو تھوڑا سا بھی رسک دکھائی دے اور آپ کے لئے مشکلات پیدا ہوں۔ آج تو بس اپنے ضروری ضروری کاموں کو دیکھیں۔

برج سرطان، سیارہ چاند، 21 جون سے 20 جولائی
 آپ لاکھ ہاتھ مارنے کے باوجود کچھ حاصل نہیں کر رہے تو ضرور کسی جگہ کوئی بڑی رکاوٹ ہے۔ استخارہ کریں اور پھر قدم اٹھائیں، یا حیٰ یا قیوم کا ورد بھی لازمی کریں۔

 برج اسد، سیارہ شمس، 21 جولائی سے 21 اگست
 موجودہ حالات میں بے حد سوچ سمجھ کر فیصلہ کرنے کی ضرورت ہے جو لوگ کسی بھی کام کی ابتداءکریں وہ اس کے بارے میں اچھی طرح غور و فکر ضرور کر لیں تو بہتر ہے۔

 برج سنبلہ ، سیارہ عطارد، 22 اگست سے 22 ستمبر
 جن افراد نے اپنے روزگار میں پریشانیاں دیکھی ہیں وہ اب ان شاءاللہ بہتریاں بھی دیکھ سکیں گے۔ جو لوگ اس اچھے وقت کی قدر کریں گے وہی کامیاب رہیں گے۔

 برج میزان ، سیارہ زہرہ، 23 ستمبر سے 22 اکتوبر
 جذباتی پن کا مظاہرہ کرنے کی ضرورت نہیں ہے۔ اس طرح آپ کا اپنا ہی نقصان ہوگا۔ اللہ سب سے اچھا کرے گا۔ آپ صرف نماز سے مدد لیں۔ جو ہو چکا ہے آپ کے ساتھ بھول جائیں۔

 برج عقرب ، سیارہ مریخ، 23 اکتوبر سے 22 نومبر
 ان دنوں ایک پرانا معاملہ سامنے آ سکتا ہے۔ اب اس کو حل تو کرنا ہے۔ آپ کو اپنی پوری توجہ اس طرف رکھنی ہے۔ آج ایک ضرورت بھی پوری ہونے کی امید ہے۔

 برج قوس ، سیارہ مشتری، 23 نومبر سے 20 دسمبر
 ان دنوں آپ کو جو بھی خبریں ملیں اس پر فوری یقین مت کر لینا جب تک پوری طرح یقین نہ کر لیں قدم مت اٹھائیں۔ سازشی اپنے کام میں لگے ہوئے ہیں۔

 برج جدی ، سیارہ زحل، 21 دسمبر سے 19 جنوری 
 جن افراد نے آپ کو تنگ کر رکھا تھا۔ اب وہ زندگی سے خود بخود دور چلے جائیں گے۔ آپ آزاد ہوں گے مگر اب روزگار پر خصوصی توجہ کی بھی اشد ضرورت ہو گی۔

 برج دلو ، سیارہ زحل، 20 جنوری سے 18 فروری 
 اب مشکل حالات سے نکلنے کے راستے ان شاءاللہ مل جائیں گے لیکن پھر بھی بڑی حکمت عملی سے چلنا ہوگا جو لوگ اب غلط فیصلے کریں گے وہ بڑے پچھتائیں گے۔

 برج حوت ، سیارہ مشتری، 19 فروری سے 20 مارچ
 اپنے معاملات ٹھیک کریں بار بار مشورہ دیا جا رہا ہے۔ اللہ پاک کو جواب بھی تو دینا ہے غور کریں جہاں غلطیاں ہوئی ہیں ان کی اصلاح ضروری ہے کہ نہیں، پھر قدم اٹھائیں۔