ڈپٹی سپیکر خیبرپختونخوا اسمبلی ثریا بی بی ایجوکیشن فاؤنڈیشن کی نادہندہ نکلیں

چترال (ڈیلی پاکستان آن لائن )ڈپٹی سپیکر خیبرپختونخوا اسمبلی ثریا بی بی خیبرپختونخوا ایجوکیشن فاؤنڈیشن کی نادہندہ نکلیں۔
ثریا بی بی نے خیبرپختونخوا ایجوکیشن فاونڈیشن سے چترال میں نجی سکول کیلئے 20 لاکھ روپے کا قرضہ لیا جو واپس نہیں کیا، منافع کے ساتھ واجب الادا رقم 30 لاکھ روپے تک پہنچ گئی۔ڈپٹی سپیکر ثریا بی بی نے قرض کی عوض اپرچترال میں پراپرٹی مارگیج رکھی تھی۔ڈپٹی سپیکر نے کاغذات نامزدگی میں اس رقم کا ذکر نہیں کیا جس پر الیکشن کمیشن نے ثریا بی بی کو نوٹس بھیج دیا۔ثریا بی بی کا کہنا تھا کہ کئی سال پہلے سکول میرے پاس تھا مگراب کسی اور کے پاس ہے، سکول کا موجودہ مالک تمام معاملات کا ذمہ دار ہے.انہوں نے کہا کہ نامعلوم شخص نے میرے خلاف درخواست دی ہے، میرا وکیل الیکشن کمیشن میں پیش ہوا، اس معاملے پر تفصیلی جواب الیکشن کمیشن میں جمع کرایا جائے گا۔