25سے 28مارچ کے دوران ملک بھر میں موسلادھار بارشوں کی پیش گوئی

اسلام آباد(ڈیلی پاکستان آن لائن)محکمہ موسمیات نے 25سے 28مارچ کے دوران ملک بھر میں موسلادھار بارشوں کی نوید سنا دی۔

نجی ٹی وی چینل دنیا نیوز کے مطابق ملک بھر میں بارشوں کی نئی پیش گوئی کی گئی ہے اس دوران  تیزہواؤں کے ساتھ بارش متوقع ہے،محکمہ موسمیات کاکہنا ہے کہ کل سے 27مارچ کے دوران گرج چمک کے ساتھ بارش کا امکان  ہے جبکہ پہاڑوں پر برفباری اور ژالہ باری کا امکان  ہے۔

رپورٹ کے مطابق 25سے 28مارچ کے دوران گلگت بلتستان  اور کشمیر میں موسلادھار بارش کاامکان  ہے۔خیبرپختونخوا میں 25سے 27مارچ کے دوران آندھی اور بارش متوقع ہے ،مری ،گلیات، اسلام آباد اورپنجاب میں وقفے وقفے سے بارش اورژالہ باری ہوگی۔

محکمہ موسمیات کا مزید کہنا تھا کہ بلوچستان اور سندھ میں 25اور 26مارچ کو گرددآلود ہوائیں اور بارش متوقع ہے۔

محکمہ موسمیات کاکہنا ہے کہ آندھی اور ژالہ باری سے فصلوں کو نقصان کا خدشہ  ہے،سیاح پہاڑی علاقوں کے غیرضروری سفر سے گریز کریں۔