سجدہ سہو کا صحیح طریقہ کیا ہے؟
لاہور (ڈیلی پاکستان آن لا ئن)سجدہ سہو کیوں کیا جاتا ہے؟ نیز اس کا طریقہ کیا ہے اور اگر نماز میں کچھ بھول جائیں تو کیا سجدہ سہو ضروری ہے؟
نجی ٹی وی جیو نیوز کے مطابق نماز کے واجبات میں سے اگر کوئی واجب بھولے سے رہ جائے یا واجب کا تکرار کیا جائے یا واجب کو مقدم کردیا جائے یا مو خر کردیا جائے یا واجب میں کوئی تبدیلی کردی جائے، مثلاً خاموشی سے تلاوت کے بجائے بلند آواز سے قرات کی جائے یا کسی رکن کو آگے پیچھے کردیا جائے تو اس کی تلافی کے لئے سجدہ سہو کیاجاتا ہے۔
تلافی کی صورت یہ ہے کہ قعدہ اخیرہ میں التحیات پڑھنے کے بعد دائیں طرف ایک بار سلام پھیر کر 2 سجدے کرلئے جائیں اور سجدوں کے بعد پھر التحیات، درود شریف اور دعا پڑھ کردائیں بائیں سلام پھیر دیا جائے، ان سجدوں کو سجدہ سہو کہتے ہیں۔(ہندیہ1/125،126)
