ڈکیتیوں کی نصف سنچری کرنے والے میاں بیوی پکڑے گئے
لاہور (ڈیلی پاکستان آن لائن )لاہور میں 50 سے زائد وارداتیں کرنے والے ڈکیت میاں بیوی کو گرفتار کرلیا گیا۔
نجی ٹی وی ایکسپریس نیوز نے پولیس کے حوالے سے بتایا کہ افتخار اور آمنہ علی الصبح دفاتر جانے والوں کی ریکی کرکے واردات کرتے تھے۔ میاں بیوی کو آپریشن ونگ نے گرفتار کیا۔
آمنہ اور افتخار نے لاہور کے علاقوں ٹاون شپ ، گرین ٹاون سمیت مختلف حدود میں ڈکیتیاں کیں۔ ڈکیت میاں بیوی کا تعلق شیخوپورہ سے ہے۔ درجنوں وارداتیں کرنے والا میاں بیوی ڈکیت گینگ 6 سال بعد دوبارہ گرفتار ہوا۔ گرفتار جوڑے سے مزید تفتیش جاری ہے۔
