علی امین گنڈاپور ڈرے ہوئے ہیں، بانی پی ٹی آئی 40 ہزار سے 45 ہزار دہشتگردوں کو لائے تھے۔۔۔حینف عباسی کھل کر بول پڑے

اسلام آباد ( ڈیلی پاکستان آن لائن )  وزیر اعلیٰ خیبر پختونخوا علی امین گنڈاپور ڈرے ہوئے ہیں، بانی پی ٹی آئی 40 ہزار سے 45 ہزار دہشتگردوں کو لائے تھے۔۔۔وفاقی وزیر ریلوےحینف عباسی کھل کر بول پڑے ۔

"جیو نیوز" کے پروگرام "کیپٹل ٹاک "میں میزبان سے گفتگو کرتے ہوئے وفاقی وزیر ریلوے حنیف عباسی نے کہا ہے کہ بولان میں دھماکے سے متاثرہ ریلوے ٹریک کی مرمت کردی گئی ہے، سیکیورٹی کلیئرنس کے بعد کوئٹہ ٹرینوں کی آمد ورفت بحال ہوجائے گی۔ ریلوے پولیس کی اپ گریڈیشن کےلیے پلان تیار کرلیا ہے۔

حنیف عباسی نے کھل کر کہا کہ وزیراعلیٰ علی امین گنڈاپور ڈرے ہوئے ہیں، بانی پی ٹی آئی ہی 40 ہزار سے 45 ہزار دہشتگردوں کو لائے تھے۔  آج جو سیکیورٹی حالات ہیں اس کی وجہ ان دہشتگردوں کو واپس لانا بھی ہے۔ قومی سلامتی کمیٹی کے اجلاس میں شرکت نہ کر کے دہشتگردوں کے مؤقف کو تقویت دی گئی۔

 پروگرام میں  تحریک انصاف کے رہنما علی محمد خان نے بھی شرکت کی ۔