تمیم اقبال آئی سی یو میں زیر علاج، بنگلہ دیشی کرکٹر کیلئے 24 گھنٹے اب بھی اہم قرار

ڈھاکا(ڈیلی پاکستان آن لائن )بنگلہ دیش کرکٹ ٹیم کے سابق کپتان تمیم اقبال کی صحت میں بہتری کی امید پیدا ہوگئی ہے۔
نجی ٹی وی جیو نیوز نے بنگلہ دیشی میڈیا کے حوالے سے بتایاکہ کرکٹر تمیم اقبال اب ریکوری کی جانب بڑھ رہے ہیں تاہم اگلے 24گھنٹے اب بھی اہم ہیں، تمیم انتہائی نگہداشت کے یونٹ میں ہیں۔
مقامی میڈیا کا بتانا ہے کہ تمیم اقبال نے گزشتہ شب فیملی ممبر کے سہارے ہلکی موومنٹ بھی کی اور حکومتی سطح پر تمیم کا خیال رکھا جا رہا ہے۔
مقامی میڈیا کا بتانا ہے کہ تمیم اقبال ڈینجر زون سے نکل چکے، اگر کوئی پیچیدگی نہ ہوئی تو اگلے 24 گھنٹوں میں تمیم مزید بہتر ہوں گے۔
بنگلہ دیشی میڈیا کے مطابق دل کا دورہ پڑنے کے بعد تمیم اقبال گراو¿نڈ میں ہی کوما میں چلے گئے تھے۔
واضح رہے کہ بنگلہ دیشی کرکٹر تمیم اقبال کو گزشتہ روز ڈھاکا پریمیئر لیگ کے میچ کے دوران دل کا دورہ پڑا تھا جس کے بعد ان کی ایمرجنسی میں مقامی ہسپتال میں انجیو پلاسٹی کی گئی تھی۔