توہین رسالت کیس: 5 مجرموں کو پھانسی،عمر قید اور 65 لاکھ روپے جرمانے کی سزا

راولپنڈی(ڈیلی پاکستان آن لائن )توہین رسالت اور توہین قرآن پاک کیس میں راولپنڈی کی مقامی عدالت نے بڑا فیصلہ دیتے ہوئے 5 مجرمان کو پھانسی ،عمر قید اور 80 سال قید سخت سنا دی۔
روز نامہ امت نے ایک رپورٹ کے حوالے سے بتایا کہ عدالت نے فیصلے میں کہا کہ پانچوں مجرمان کو مجموعی 65 لاکھ روپے جرمانہ بھی ادا کرنا ہوگا، مجرمان محمد ارسلان، علی عباس، فیصل ریحان، خرم افضال اور زنیر سکندر کو سزا سنائی گئی۔
مجرمان کے خلاف ایف آئی اے سائبر کرائم نے مقدمہ درج کیا تھا، ایڈیشنل ڈسٹرکٹ اینڈ سیشن جج طارق ایوب نے فیصلہ سنا دیا۔
فیصلہ کے بعد پانچوں مجرمان کو اڈیالہ جیل منتقل کر دیا گیا، عدالت نے قرار دیا کہ مجرمان نے گھناونا جرم کیا ہے یہ کسی رعایت کے مستحق نہیں، مجرمان کو اس وقت تک پھانسی پھندا پر لٹکائے رکھا جائے جب تک موت واقع نہ ہو۔
فیصلہ سنائے جانے کے وقت انتہائی سخت سکیورٹی تھی جبکہ بڑی تعداد میں وکلا اور شہری موجود تھے۔