منڈی بہاءالدین: ٹریکٹر ٹرالی تلے آکر 2 بھائی جاں بحق، تیسرا زخمی

منڈی بہاوالدین( ڈیلی پاکستان آن لائن ) پنجاب کے ضلع منڈی بہاءالدین میں ٹریکٹر ٹرالی کے نیچے آکر موٹرسائیکل سوار 2 بھائی جاں بحق، تیسرا بھائی زخمی ہو گیا۔
نجی ٹی وی "دنیا نیوز" نے ریسکیو حکام کے حوالے سے بتایا کہ حادثہ ڈیرہ میاں صاحب کے قریب پیش آیا، موٹر سائیکلوں کے تصادم کے بعد تینوں بھائی سڑک پر گرنے سے پیچھے سے آنے والی ٹریکٹر ٹرالی نے کچل دیا، جس سے دو بھائی موقع پر ہی دم توڑ گئے۔
حکام نے بتایا کہ جاں بحق ہونے والے بھائیوں کی شناخت 13 سالہ علی اور 18 سالہ مجاہدکے نام سے ہوئی ہے، لاشیں اور زخمی کو مقامی ہسپتال منتقل کردیا، تینوں بھائیوں کا تعلق قریبی علاقہ گوجرہ کے نواحی علاقے سے بتایا جاتا ہے۔
واقعہ کی اطلاع ملنے پر پولیس بھی جائے وقوعہ پر پہنچ گئی جس نے تحقیقات کا آغاز کر دیا۔