روس پرنامعلوم ڈرون طیارے کا حملہ،متعدد عمارتوں کو نقصان
ماسکو(ڈیلی پاکستان آن لائن) یوکرین کی سرحد سے دور روسی قصبےپرڈرون حملہ ہوا ہے،جس سے رہائشی عمارتوں کو نقصان پہنچا ہے۔
غیر ملکی میڈیا کے مطابق حملے میں تین افراد زخمی ہوئے جبکہ تین رہائشی عمارتوں کو بھی نقصان پہنچا ہے۔
روسی حکام کاکہنا ہے کہ ڈرون طیارے سے متعلق تحقیقات کی جارہی ہیں تاحال یہ واضح نہیں ہوسکا ہے کہ طیارہ کس ملک کی ملکیت ہے اور اس نے کہاں سے پرواز بھری تھی۔
اس سے قبل روسی حکام نے دعوی کیا تھا کہ یوکرین سے اڑنے والے ڈرون ان کے شہری علاقوں میں اسٹرکچر کو نقصان پہنچا رہے ہیں۔
