عید منانے گھر جانیوالوں کی بس کو حادثہ، گہری کھائی میں جا گری، 6 افراد جاں بحق، 4 شدید زخمی
لوئر کوہستان (ڈیلی پاکستان آن لائن) عید منانے گھر جانیوالوں کی بس کو خطرناک حادثہ پیش آ گیا، لوئر کوہستان میں مسافروں سے بھری بس گہری کھائی میں جا گری جس کے نتیجے میں 6 افراد جاں بحق ہو گئے۔
نجی ٹی وی دنیا نیوز کےمطابق حادثہ تیز رفتاری کے سبب پیش آیا، ڈرائیور موڑ کاٹتے ہوئے کنٹرول کھو بیٹھا جس کے نتیجے میں بس قلابازیاں کھاتی ہوئی کھائی میں جا گری۔
حادثے میں 6 افراد کی ہلاکت کے علاوہ 4 مسافر بری طرح زخمی بھی ہوئے، ریسکیو عملے نے امدادی کارروائیاں شروع کر دیں اور زخمیوں کو ہسپتال منتقل کر دیا۔
