بلوچستان : ضلع صحبت پور میں ایک گھر پر حملہ، خاندان کے 7 افراد جاں بحق
صحبت پور(ڈیلی پاکستان آن لائن )بلوچستان کے علاقے نصیرآباد ڈویژن کے ضلع صحبت پور میں ایک گھر پر حملہ کیا گیا۔
نجی ٹی وی جیونیوز نے پولیس کے حوالے سے بتایا کہ صحبت پور میں فائرنگ اور گھر کو آگ لگائے جانے سے ایک ہی خاندان کے 7 افراد جاں بحق ہوگئے جن میں ایک خاتون اور 3 بچے بھی شامل ہیں۔
پولیس کے مطابق مذکورہ واقعہ زمین کے تنازع پر پیش آیا ہے اور اس کی مزید تحقیقات کی جارہی ہیں جبکہ حملہ آوروں کی تلاش بھی جاری ہے۔
