شمالی وزیرستان میں دفعہ 144 نافذ کر دی گئی
پشاور(ڈیلی پاکستان آن لائن)ضلع شمالی وزیرستان میں دفعہ 144 نافذ کر دی گئی۔ڈپٹی کمشنر کی جانب سے جاری کردہ اعلامیہ کے مطابق عید الفطر کی مناسبت سے امن و امان کو برقرار رکھنے کے لیے ضلع شمالی وزیرستان میں دفعہ 144 نافذ کی گئی ہے۔اعلامیہ کے مطابق حالات کو مدنظر رکھتے ہوئے یہ اقدامات عوامی مفاد میں کیے گئے ہیں۔دفعہ 144 کی خلاف ورزی کی صورت میں قانونی کارروائی عمل میں لائی جائے گی۔
