ورلڈ کپ 2023ء: قومی کرکٹ ٹیم دبئی پہنچ گئی
لاہور(ڈیلی پاکستان آن لائن)کرکٹ کی عالمی جنگ چھڑنے میں چند روز باقی ہیں،قومی کرکٹ ٹیم دبئی پہنچ گئی ،قومی کرکٹ ٹیم 9گھنٹے دبئی قیام کے بعد بھارت روانہ ہوگی۔
نجی ٹی وی چینل دنیا نیوز کے مطابق پاکستان کرکٹ ٹیم بھارت کے وقت کے مطابق آج رات 8 بجے حیدرآباد پہنچے گی۔
قومی ٹیم 29 ستمبر کو اپنا پہلا وارم اپ میچ نیوزی لینڈ کے خلاف کھیلے گی، دوسرا وارم اپ میچ 3 اکتوبر کو آسٹریلیا کے خلاف حیدرآباد میں ہی شیڈول ہے جبکہ ٹیم ورلڈ کپ میں 6 اکتوبر سے نیدرلینڈز کے خلاف میدان میں اترے گی۔
Embarking on the World Cup quest ????#WeHaveWeWill | #CWC23 pic.twitter.com/AKwrf1yCkQ
— Pakistan Cricket (@TheRealPCB) September 26, 2023
اس حوالے سے قومی کرکٹ کے کپتان بابر اعظم کا کہنا ہے کہ ورلڈ کپ جیتنے کیلئے ہمارا مورال کافی ہائی ہے، کوشش کریں گے کہ اچھا کھیلیں اور ورلڈ کپ لے کر آئیں۔
انہوں نے مزید کہا کہ میرے حساب سے ہم نمبر ون ہی آئیں گے، نسیم شاہ کو کافی مس کریں گے، نسیم اور شاہین کی جوڑی کافی اچھی وائبز دیتی تھی۔
