مریم نواز کتنے اثاثوں کی مالک؟ تفصیلات سامنے آ گئیں
لاہور (ڈیلی پاکستان آن لائن) مسلم لیگ ن کی چیف آرگنائزر مریم نواز کتنے اثاثوں کی مالک ہیں، تفصیلات سامنے آ گئیں۔
نجی ٹی وی دنیا نیوز کے مطابق مریم نواز 2 کروڑ 89 لاکھ روپے سے زائد کی مقروض ہیں۔ انہوں نے یہ قرض اپنے بھائی حسن نواز سے لے رکھا ہے۔ ان کے شوہر کیپٹن (ر) صفدر بھی دوستوں کے 6 کروڑ روپے کے مقروض بتائے گئے ہیں۔
مریم نواز نے مالی اثاثوں کی تفصیلات کاغذات نامزدگی کے ساتھ جمع کروائیں جن میں مزید بتایا گیا کہ وہ رائیونڈ کے علاقے میں ایک ہزار 400 کنال سے زائد اراضی کی مالک ہیں۔ انہوں نے 3 برس میں ایک کروڑ 90 لاکھ روپے سے زائد زرعی آمدن ظاہر کی ہے جبکہ اس آمدن پر 12 لاکھ روپے سے زائد ٹیکس ادا کیا۔ جمع کروائی گئی دستاویزات کے مطابق مریم نواز کی بیرون ملک کوئی جائیداد نہیں ہے۔
