دریائے چترال پر رسی ٹوٹنے سے ایک اور چیئر لفٹ پھنس گئی
اپرچترال(ڈیلی پاکستان آن لائن)دریائے چترال پر رسی ٹوٹنے سے ایک اور چیئر لفٹ پھنس گئی۔
نجی ٹی وی چینل دنیا نیوز کے مطابق ریسکیو کا کہنا ہے کہ اپرچترال میں کوراغ کے مقام پر دریائے چترال پر قائم چیئر لفٹ پھنسی گئی ،تمام پھنسے ہوئے افراد کو بحفاظت نکال لیا گیا ،ریسکیو ذرائع کا کہنا ہے کہ ابتدائی اطلاعات کے مطابق واقعہ رسی ٹوٹنے کے باعث پیش آیا، تمام افراد کو 45منٹ کے آپریشن میں ریسکیو کرلیاگیا۔
یاد رہے کہ کچھ روز بھی بٹگرام میں رسی ٹوٹنے سے طلبا اور اساتذہ چیئر لفٹ میں پھنس گئے تھے، پاک فوج کے ریسکیو آپریشن میں ڈولی میں پھنسے افرد کو بازیاب کیا گیا تھا۔
