مکان کی چھت گرنے سے 2 بچے جاں بحق

ڈی آئی خان(ڈیلی پاکستان آن لائن) ڈیرہ اسماعیل خان کی تحصیل پہاڑپور میں مکان کی چھت گرنے سے 2 بچے جاں بحق ہوگئے۔تفصیلات کے مطابق ڈیرہ اسماعیل خان کی نواحی تحصیل پہاڑپور کے علاقہ میاں وڈہ میں ایک بوسیدہ مکان کی چھت گرنے سے دو بچے جاں بحق ہو گئے۔ریسکیوذرائع کے مطابق بچے چھت کے ملبے تلے دب جانے سے جاں بحق ہوئے۔ جاں بحق ہونے والے بچوں کی شناخت 12 سالہ عبد القادر اور 10 سالہ ابراہیم کے نام سے ہوئی ہے۔ریسکیو نے بچوں کی نعشوں کو ہسپتال منتقل کردیا۔