بلاول ہاؤس سے جان کوخطرہ ،مراد شاہ کو معاف نہیں کرینگے ،حلیم عادل

کراچی(این این آئی)پی ٹی آئی رہنما حلیم عادل شیخ نے کہاہے کہ انہیں بلاول ہاؤس سے جان کا خطرہ ہے، پیپلزپارٹی کا دہشت گرد چہرہ ان کے سامنے آگیا ہے، ہم مراد علی شاہ کو معاف نہیں کریں گے۔سندھ اسمبلی میں میڈیا سے گفتگو کرتے ہوئے انھوں نے پیپلز پارٹی کی قیادت پر سنگین الزامات لگاتے ہوئے کہا گینگ وار کی باقیات نے ایک ایم پی اے کو نشانہ بنایا پھر پیپلزپارٹی نے اپنے دہشتگرد کے ذریعے ایم پی اے پر حملہ کرایا،سندھ اسمبلی میں پہلے قرارداد آئے گی پھر اجلاس چلے گا، رمضان گھانچی کو جس نے گولی ماری اس کے پاس پولیس کی سکیورٹی ہے، آئی جی سندھ اب وفاق کے نمائندے نہیں رہے، وزیراعظم عمران خان کو خط لکھ رہے ہیں کہ آئی جی سندھ کو فارغ کیا جائے، خورشید شاہ شہباز شریف کے کمدار بن رہے ہیں، یہ بھٹو کا 1971ء نہیں،عمران خان کا 2019ء ہے۔
حلیم عادل