ڈکیتی چوری کی وارداتیں ، شہری لاکھوں کے مال وزر محروم

لاہور(کرائم رپورٹر)صوبائی دارالحکومت کے مختلف علاقوں میں ڈاکوؤں اور چوروں نے متعدد وارداتوں میں شہریوں کو لاکھوں روپے مالیت کی نقدی ،طلائی زیورات ،موبائل فون ،کاروں و موٹرسائیکلوں سے محروم کر دیا۔ذرائع کے مطابق ڈیفنس سی کے علاقے میں ڈاکوؤں نے گھر میں گھس کر ماجدکے اہلخانہ کو گن پوائنٹ پر یرغمال بنا کر7لاکھ 90ہزار مالیت کی نقدی طلائی زیورات لوٹ لیے مصطفی آباد میں ڈاکو گھر میں گھس کر انور اور اس کی فیملی کو اسلحہ کے زور پر یرغمال بنا کر5لاکھ روپے لوٹ کر فرار ہو گئے۔جبکہ نشتر کالونی کے علاقے میں موٹرسائیکل سوار ڈاکوؤں نے اختر حسین اور اس کی فیملی سے گن پوائنٹ پر2لاکھ روپے 75ہزار روپے نقدی و طلائی زیورات شالیمار کے علاقے میں ڈاکوؤں منصب اور فیملی سے گن پوائنٹ پر1لاکھ 30ہزار روپے نقدی و طلائی زیورات۔نواں کوٹ کے علاقے ڈاکوؤں نے فہیم اور فیملی سے1لاکھ 10ہزار روپے نقدی و طلائی زیورات۔لاری اڈا میں ڈاکوؤں نے شفاقت اور فیملی سے 80ہزارروپے نقدی و طلائی زیورات لوٹ لیے جبکہ کے قائداعظم انڈسٹریل ایریا کے علاقے میں ڈاکو گن پوائنٹ پر زبیرسے 65ہزار اور موبائل فون۔لٹن روڑ سے ڈاکو الیاس سے27ہزار نقدی اور موبائل فون۔گلبرگ میں احمدسے ڈاکو گن پوائنٹ پر20ہزار نقدی اور موبائل فون ہڈیارہ سے ڈاکو گن پوائنٹ پر امجد سے70ہزار نقدی اور موبائل فون لوٹ کر فرار ہو گئے جبکہ شاہدرہ اور غازی آباد سے گاڑیاں اور مزنگ۔فیصل ٹاون اور ہربنس پورہ کے علاقے سے نامعلوم چور موٹرسائیکلیں چوری کر کے فرار ہو گئے۔