پہلی دفعہ دیکھ رہے ہیں کوئی وزیراعظم خود ہی حکومت چلانے میں سنجیدہ نہیں

جماعت اسلامی پاکستان کے مرکزی سیکریٹری جنرل لیاقت بلوچ نے کہا ہے کہ یہ پہلی دفعہ ہی دیکھ رہے ہیں کہ کوئی وزیراعظم خود ہی اپنی حکومت چلانے میں سنجیدہ نہیں ہے اور وہ خود ان کے وزراء ہر وقت اپوزیشن کو للکارتے ہی رہتے ہیں جس کی وجہ سے اسمبلیاں بالکل مفلوج ہو کررہ گئی ہیں ۔ایشو آف دی ڈے میں گفتگو کرتے ہوئے ان کا کہنا تھا کہ کسی وزیراعظم کو یہ زیب نہیں دیتا کہ وہ اس طرح کی گفتگو اپوزیشن کے متعلق کریں ۔