وفاقی اداروں کی نجکاری نہیں کی جائیگی ، محمدمیاں سومرو

سکھر(این این آئی)وفاقی وزیر نجکاری محمدمیاں سومرو نے کہاہے وفاقی اداروں کی نجکاری نہیں کی جائیگی ، ملک کو بحرانوں سے نکا لنے کیلئے ہم سب کو ملکر کوشش کرنا ہوگی ،موجودہ حکومت کی ترجیح اداروں کو مزید مضبوط و مستحکم کرنا ہے تاکہ ملک کو درپیش چیلنجز سے چھٹکارا د لا یا جا سکے اور عوام کے تعاون ا سے ممکن بنائینگے ۔ ان خیالات کا اظہار انہوں نے سکھر میں ف لیگ کے صوبائی رہنما ایڈووکیٹ سید شفقت شاہ کی رہائشگاہ پر ان سے ملاقات کے دوران کیا، میاں محمد سومرو نے ایڈووکیٹ شفقت علی شاہ کو ف لیگ کا صوبائی فنانس سیکریٹر ی منتخب ہونے پر مبارکباد دی اور نیک خواہشات کا اظہار کیا ۔ ملاقات میں ملک کی موجودہ صورتحال سمیت سندھ کے مسائل اور انکے حل کیلئے غور کیا اور آپس میں متحد ہو کر ان مسائل سے چھٹکارا حاصل کرنے کے عزم کا بھی اظہار کیا گیا ، میاں سومرو کا مزید کہنا تھا سندھ کی موجود حالت زار د یکھ کر افسوس ہوتا ہے اہل سندھ کو تنہا نہیں چھوڑا جائیگا ، پی پی حکومت نے سندھ کو کرپشن کے ذریعے بہت بڑا نقصان پہنچایا ، ہمارا مقصد صر ف عوام کی خدمت کرنا ہے اور وہ ہم بخوبی کر رہے ہیں ۔ملاقات میں ایڈووکیٹ سید شفقت شاہ نے انہیں سندھ کا روایتی تحفہ پیش کیا اور اپنے مکمل تعاون کی یقین دہانی کرائی ۔
میا ں سومرو