”جسے اللہ رکھے ، اسے کون چکھے“ ،53سالہ خاتون کو تین دن بعد موت کے منہ سے نکال لیاگیا
نیویارک (ڈیلی پاکستان آن لائن) امریکی ریاست نیویارک میں 53سالہ خاتون کو تین دن بعد لفٹ سے بحاظت نکال کر ہسپتال منتقل کردیا گیا ۔
برطانوی نشریاتی ادارے کے مطابق نیویارک کے علاقے مین ہیٹن میں ایک 53 سالہ خاتون تین روز تک لفٹ میں پھنسی رہی جس کو بحفاظت نکال کر ہسپتال منتقل کردیاگیا ہے۔میرٹیز فورٹالیزا جمعے کی شب نیویارک کے علاقے مین ہیٹن میں واقع کھرب پتی بینکر ویرن سٹیونز کے گھر کی عمارت میں لگی لفٹ میں داخل ہوئیں اور لفٹ رکھ جانے سے وہیں پھنس گئیں ، تین روز بعد پتہ چلنے پر آگ بجھانے والے عملے نے ایک ایمرجنسی کال پر کارروائی کرتے ہوئے لفٹ کو کھول کر میرٹیز فورٹالیزا کو باہر نکا ل کا ہسپتال منتقل کیاجہاں ان کا علاج کیا جارہاہے ۔
ان کے خاندانی ذرائع کا کہنا ہے کہ فورٹالیزا ویل کارنل میڈیکل سینٹر میں ہیں جہاں ان کی حالت میں قدرے بہتری آئی ہے ،جب یہ واقعہ پیش آیا تو گھر میں خاندان کا کوئی فرد موجود نہیں تھا،فورٹالیزا 18 برس سے سٹیونز خاندان کی اہم رکن ہیں۔ جمعے کے روز جب یہ واقعہ پیش آیا تو گھر میں سٹیونز خاندان کا کوئی فرد موجود نہیں تھا جبکہ فورٹالیزا اپنے کام کاج میں مصروف تھیں، سٹیونز امریکی ریاست آرکنسا کے شہر لٹل راکس میں ایک بینک کے سربراہ ہیں، ڈپارٹمنٹ آف بلڈنگز کی جانب سے لفٹ کو مزید معائنے تک بند رکھنے کا فیصلہ کیاہے جبکہ اس معاملے کی تحقیقات شروع کردی گئی ہیں۔
