لسبیلہ؛ مسافر کوچ کھائی میں جاگری، خواتین اور بچوں سمیت 39 افراد جاں بحق
کوئٹہ (ڈیلی پاکستان آن لائن) بلوچستان کے علاقے لسبیلہ میں چینکی اسٹاپ کے قریب مسافر کوچ کھائی میں جاگری ، جس کے نتیجے میں 39 افراد جاں بحق ہوگئے جبکہ متعدد زخمی ہیں ۔
نجی ٹی وی چینل دنیا نیوز کے مطابق مسافر کوچ کوئٹہ سے کراچی آرہی تھی ، کھائی میں گرنے کے بعد کوچ میں آگ بھڑک اٹھی ، امدادی کارروائیوں کے دوران کوچ سے اب تک39 افراد کی لاشیں نکال لی گئیں ہیں جبکہ متعدد افراد زخمی ہیں ، ہلاکتوں میں مزید اضافے کا خدشہ ہے ۔جاں بحق افراد میں خواتین اور بچے بھی شامل ہیں۔
حادثے کی اطلاع پر فائربریگیڈ گاڑیوں اور ریسکیو عملے نے موقع پر پہنچ کر آگ بجھائی ، اے سی بیلہ کے مطابق مسافر کوچ میں 48 مسافر سوار تھے۔
ریسکیو کی جانب سے امدادی کارروائیاں جاری ہیں ۔
