منی لانڈرنگ کیس؛مونس الٰہی کی بیرون ملک سے گرفتاری کیلئے ریڈنوٹس انٹرنیشنل پولیس کو بھجوا دیا گیا 

لاہور(ڈیلی پاکستان آن لائن)سپیشل سنٹرل عدالت لاہورنے ایف آئی اے منی لانڈرنگ مقدمہ میں مونس الٰہی کی بیرون ملک سے گرفتاری کیلئے ریڈنوٹس انٹرنیشنل پولیس کو بھجوا دیا گیا ۔

نجی ٹی وی چینل دنیا نیوز کے مطابق  عدالت نے زاراالٰہی  کی مستقل حاضری معافی کی درخواست منظور کرلی، سپیشل سینٹرل عدالت کے جج تنویر احمد شیخ نے گزشتہ سماعت کا تحریری حکم جاری کردیا۔

تحریری حکم میں کہا گیا ہے کہ ایف آئی اے کے مطابق انٹرنیشنل پولیس کے پاس ریڈنوٹس ریویو کیلئے موجود ہے،عدالت نے پرویز الٰہی کو 5نومبر کو ہر صورت پیش ہونے کا حکم دیدیا،شریک ملزم صغیم عباس کے ناقابل ضمانت وارنٹ گرفتاری جاری  کر دیئے گئے۔

ایف آئی اے نے مونس الٰہی سمیت اشتہاری 9ملزمان کی جائیدادیں قرق کے دورانیہ میں اضافے کی استدعا کردی،عدالت نے قرقی دورانیہ میں اضافے پر تفصیلی رپورٹ طلب کرلی۔