عظمیٰ بخاری کی سرکاری رہائش گاہ میں آگ بھڑک اٹھی، سامان جل گیا 

لاہور (کرائم رپورٹر) وزیر اطلاعات و ثقافت پنجاب عظمیٰ بخاری کی سرکاری رہائش گاہ میں آگ بھڑک اٹھی، سامان جل گیا۔ بتایا گیا ہے کہ وزیر اطلاعات و ثقافت عظمیٰ بخاری کی سرکاری رہائش گاہ میں دوسری مرتبہ آتشزدگی کا واقعہ رونما ہوا، جس کے باعث بیڈ روم سے ملحقہ درخت اور لائٹس جل گئیں تاہم کوئی جانی نقصان نہیں ہوا۔ذرائع کا کہنا ہے کہ جی او آر لنک کلب روڑ پر گزشتہ رات آتشزدگی کا واقعہ پیش آیا۔آتشزدگی سے گاڑی کی چھت کو نقصان پہنچا جبکہ گیراج کا شیڈ بھی جل گیا۔ ذرائع کا کہنا ہے کہ گزشتہ ہفتے بھی آتشزدگی کا واقعہ رات کے اوقات میں پیش آیا تھا، آگ لگنے سے واشنگ مشین، لائٹس، درختوں کو نقصان پہنچا تھا۔ذرائع نے بتایا کہ گزشتہ ہفتے آتشزدگی سے ایئر کنڈیشنر بھی جل گیا تھا۔

آتشزدگی