نیشنل ویمنز ٹی 20 کرکٹ ٹورنامنٹ کی تیاریاں مکمل 

   لاہور(سپورٹس رپورٹر)نیشنل ویمنز ٹی ٹوئنٹی ٹورنامنٹ کی تیاریاں مکمل کرلی گئیں۔5 ٹیموں میں جوڑ پڑے گا۔ چیئرمین پی سی بی کی ہدایت پر خواتین کھلاڑیوں کے لئے فٹنس ٹیسٹنگ پروگرام کا انعقاد کیا گیا۔7 بڑے شہروں میں 100 سے زائد خواتین کھلاڑیوں نے فنٹس ٹیسٹنگ پروگرام میں حصہ لیا۔ لاہور، کراچی، پشاور، کوئٹہ، ملتان، اسلام آباد اور بہاولپور میں خواتین کھلاڑیوں کے لئے فٹنس ٹیسٹنگ پروگرام کا انعقاد کیا گیا۔نیشنل ویمنز ٹی ٹوئنٹی ٹورنامنٹ کے تمام  میچز کراچی میں کھیلے جائیں گے۔

  پی سی بی کے مطابق ایونٹ کے کامیاب انعقاد کے لئے تیاریاں مکمل کرلی گئیں ہیں۔ پری ٹورنامنٹ کیمپ 3 مئی سے 6 مئی تک جاری رہے گا۔نیشنل ویمنز ٹی ٹوئنٹی ٹورنامنٹ کے میچز کا باقاعدہ آغاز 7 مئی کو ہو گا اور فائنل 24 مئی کو کھیلا جائے گا۔