پاک فوج ہر لحاظ سے نمبر ون ہے،ہم تیار کھڑے ہیں، بھارت کو منہ توڑ جواب دیں گے : عوامی رائے 

لاہور ( طیبہ بخاری سے ) حالیہ پاک ،بھارت کشیدگی پر عوام نے بلا خوف و خطر اپنی  رائے کا اظہار کیا ہے ۔

عوام کہہ رہے ہیں کہ ہم تیار کھڑے ہیں بھارت کو منہ توڑ جواب دیں گے ۔  پاک فوج تو دور پاکستانی عوام ہی بھارتی فوج کے لیے کافی ہیں ۔  ہم بھی جوہری طاقت رکھنے والا ملک ہیں بھارت کو یاد رکھنا چاہیے ۔

نوجوانوں  نے پاکستان زندہ باد ، پاک فوج زندہ باد  کے نعرے لگائے اور کہا کہ پاکستان کے لیے کھڑا ہونا اس ملک  کی عوام  کے خمیر میں ہے ۔ہماری فوج ہر لحاظ سے نمبر ون ہے -پاکستان بطور ریاست ہر طرح سے تیار ہے - 

دوسری جانب  جنگی جنون میں مبتلا بھارت کی جانب سے پاک ،بھارت سرحد سے متصل دیہات خالی کرانے کا عمل جاری ہے۔تازہ ترین اطلاعات کے مطابق بھارتی فوج نے سامبا کٹھوا اور اکھنور سیکٹر میں مزید دیہات خالی کروا لیے ہیں ۔اس سے پہلے اٹاری سیکٹر میں بھی بھارت نے گردوارے سے اعلانات کروا کر عوام کو فصلوں کی کٹائی کے احکامات دیئے تھے۔ بھارت نے اپنی عوام کو حقائق سے بے خبر رکھنے اور ہندوتوا کا زہریلا پروپیگنڈا پھیلانے کیلئے سینکڑوں کی تعداد میں پاکستانی چینل بلاک کروا دئیے ہیں۔ دفاعی ماہرین نے کہا ہے کہ بھارتی عوام کی بڑی تعداد مودی سرکار کی غیر منطقی حرکات اور انتہا پسندی سے دلبرداشتہ ہے،بغیر ثبوتوں کے جنگی جنون کا آغاز کرنا مودی سرکار کی ناکامی کی واضح علامت ہے۔