9 رکنی بینچ میں سے 4 ججز کے فیصلے سے ثابت ہوا ازخود نوٹس خارج ہو گا: وفاقی وزیر قانون
اسلام آباد(ڈیلی پاکستان آن لائن) وفاقی وزیر قانون اعظم نذیر تارڑ نے کہا ہے کہ 9 رکنی بینچ میں سے 4 ججز کے فیصلے سے ثابت ہوا ازخود نوٹس خارج ہو جائے گا۔
نجی ٹی وی ڈان نیوز کے مطابق ن لیگی رہنما اعظم نذیر تارڑ کا کہنا ہے کہ سپریم کورٹ میں اہم مقدمے کی سماعت چل رہی ہے۔ جسٹس امین الدین نے خود کو انتخابات التوا کیس سے الگ کر لیا۔ چاہتے ہیں کہ معاملہ فل کورٹ کے سامنے پیش ہو۔ تمام بار کونسلز نے بھی استدعا کی کہ معاملہ فل کورٹ بینچ دیکھے۔
انہوں نے کہا کہ سیاست میں مذاکرات کے دروازے ہمیشہ کھلے رہتے ہیں، ایوانوں سے اٹھنے والا موقف بھی سننا چاہئے۔
