اپریل میں فی تولہ سونا 20 ہزار 800 روپے مہنگا ہو گیا
کراچی(ڈیلی پاکستان آن لائن)اپریل میں سونے کی فی تولہ قیمت میں 20 ہزار 800 روپے کا بڑا اضافہ دیکھنے میں آیا۔
نجی ٹی وی چینل ہم نیوز کے مطابق آل پاکستان جیمز اینڈ جیولرز ایسوسی ایشن کے مطابق گزشتہ ماہ کے اختتام پر فی تولہ سونے کا بھاؤ 3 لاکھ 45 ہزار 800 روپے ہے۔
اپریل میں 10 گرام سونا 17 ہزار 832 روپے تک مہنگا ہو گیا ، جس کے بعد 10 گرام سونے کی قیمت 2 لاکھ ، 96 ہزار 467 روپے پر پہنچ گئی۔
دوسری جانب عالمی مارکیٹ میں اپریل میں سونے کی قیمت 192 ڈالر فی اونس بڑھی اور مہینے کے اختتام پر فی اونس قیمت 3 ہزار 276 ڈالر رہی۔
