پیٹرولیم مصنوعات کی قیمتوں میں 10 روپے 39 پیسے تک کا اضافہ

اسلام آباد (ڈیلی پاکستان آن لائن) حکومت نے مہنگائی کی چکی میں پس رہے عوام پر پیٹرول بم گرادیا۔ پیٹرولیم مصنوعات کی قیمتوں میں 10 روپے 39 پیسے تک کا اضافہ کر دیا۔

نوٹیفکیشن کے مطابق پیٹرول کی قیمت میں8 روپے 36پیسے جبکہ ہائی سپیڈ ڈیزل کی قیمت میں 10 روپے 39 پیسے اضافہ کیا گیا ہے۔

اس اضافے کے بعد  پیٹرول کی نئی قیمت 266 روپے 79 پیسے فی لیٹر مقررہو گئی جبکہ ہائی سپیڈ ڈیزل کی نئی قیمت 272 روپے 98 پیسے فی لیٹر مقرر ہو گئی ہے، نئی قیمتوں کا اطلاق یکم جولائی (آج) سے کردیا گیا ۔